ქვეყანაში არსებული კრიზისის დასაძლევად ლიბანის პრეზიდენტი, მიშელ აუნი გაერთიანებული ერების ორგანიზაციას დახმარებას სთხოვს.
პრეზიდენტის თქმით, ამ მომენტისთვის ქვეყანაში ძალიან მძიმე სოციალური და ეკონომიკური ფონია, რომლის დასაძლევადაც ლიბანს მეგობარი ქვეყნების დახმარება ესაჭიროება.
მიშელ აუნის თქმით, მდგომარეობის გაუარესება დედაქალაქ ბეირუთში მომხდარმა ძლიერმა აფეთქებამ, კორონავირუსის პანდემიამ და ქვეყანაში სირიელი ლტოლვილების შედინებამ განაპირობა.
პრეზიდენტმა განაცხადა, რომ სირიიდან ლტოლვილთა ლიბანში გადასვლა განუწყვეტილივ მიმდინარეობს და ამის შესაჩერებლად საერთაშორისო საზოგადოების ძალისხმებაა საჭირო.
აღსანიშნავია, რომ ამ დროისთვის ლიბანში 1.8 მილიონზე მეტი სირიელი ლტოლვილი იმყოფება.