დვანში საქველმოქმედო სამედიცინო აქცია ჩატარდა

ვეტერანების საქმეთა სახელმწიფო სამსახურის ორგანიზებით, ქარელის მუნიციპალიტეტის სოფელ დვანში, ომისა და თავდაცვის ძალების ვეტერანების, მათი ოჯახის წევრებისა და ადგილობრივი მოსახლეობისათვის, კლინიკა ''ვივამედის'' ექიმებმა (თერაპევტი, კარდიოლოგი, ქირურგი, ოფთალმოლოგი, უროლოგი, გასტროენტეროლოგი), ურთიერთთანამშრომლობის მემორანდუმის ფარგლებში, მრავალპროფილური, უფასო გამოკვლევები ჩაატარეს.

მათივე ცნობით, ბენეფიციარებს, ასევე, გაუკეთდათ კარდიოგრამა და ექოსკოპია. საქველმოქმედო სამედიცინო აქციით, რომელშიც მონაწილეობას კლინიკის 12 ექიმი იღებდა, ისარგებლა 100-ზე მეტმა პირმა, განხორციელდა 400-მდე სამედიცინო ვიზიტი.

“აღსანიშნავია, რომ უფასო გამოკვლევები ჩაუტარდა არა მხოლოდ ომისა და თავდაცვის ძალების ვეტერანებს და მათი ოჯახის წევრებს, არამედ სოფელ დვანისა და საოკუპაციო ხაზის მიმდებარე სოფლების მოსახლეობასაც.

აქციის მიმდინარეობას ადგილზე დაესწრნენ ვეტერანების საქმეთა სახელმწიფო სამსახურის დირექტორის მოადგილე, ჯანდრი უბირია, ქარელის მუნიციპალიტეტის მერის მოადგილე, ვლადიმერ სულაქველიძე, მერის წარმომადგენელი დვანის ადმინისტრაციულ ერთეულში, ნოდარ კოპაძე.

ურთიერთთანამშომლობის მემორანდუმი ვეტერანების საქმეთა სახელმწიფო სამსახურსა და კლინიკა ''ვივამედს'' შორის, მიმდინარე წლის 26 თებერვალს გაფორმდა და მიზნად ისახავს ომისა და თავდაცვის ძალების ვეტერანთა და მათი ოჯახის წევრთა ჯანმრთელობის მდგომარეობის გაუმჯობესებაზე ზრუნვასა და ამ მიზნით, ერთობლივი, საქველმოქმედო ღონისძიებების დაგეგმვასა და განხორციელებას.

მემორანდუმის ფარგლებში, ვეტერანებისა და მათი ოჯახის წევრებისათვის საქველმოქმედო სამედიცინო აქციები კვლავ ჩატარდება, რომელთა შესახებ ინფორმაცია, ვეტერანებს, წინასწარ მიეწოდებათ”, - აღნიშნულია ინფორმაციაში.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი