სომხეთის ადვოკატთა პალატის თავმჯდომარემ არა ზოგრაბიანმა ქვეყნის ცენტრალურ საარჩევნო კომისიას შესთავაზა, მიმართოს სასამართლოს მოქმედი პრემიერ-მინისტრის ნიკოლ ფაშინიანის პარტია „სამოქალაქო თანხმობა“ საპარლამენტო არჩევნებზე რეგისტრაციიდან მოხსნას.

ზოგრაბიანმა ფაშიანიანი წინასაარჩევნო კამპანიის მსვლელობისას ძალადობისკენ მოწოდებებში დაადანაშაულა.

საარჩევნო კომისიის სხდომაზე ზოგრაბიანმა ნიკოლ ფაშინიანის მისვლაც მოითხოვა, რათა პრემიერის მოვალეობის შემსრულებელმა საკუთარი სიტყვები განმარტოს.

ფაშინიანის წარმომადგენლებმა ცენტრალური საარჩევნო კომისიის სხდომაზე განაცხადეს, რომ პარტიის ლიდერის რიტორიკა შეიძლება შეფასდეს, როგორც დაპირება, რომ მოხდება დამნაშავეთა დასჯა.

კომისია აპირებს შეისწავლოს ის მტკიცებულებები, რომელიც ადვოკატთა პალატის თავმჯდომარემ კომისიას წარუდგინა.

სომხეთში ვადამდელი საპარლამენტო არჩევნები 20 ივნისს გაიმართება.