ისრაელს ახალი პრემიერ-მინისტრი ჰყავს - ბენიამინ ნეთანიაჰუს 12 -წლიანი მმართველობის შემდეგ ქვეყნის პრემიერი ნაფტალი ბენეტი გახდა.

ისრაელის „ქნესეთში“ კენჭისყრის შედეგების მიხედვით, ნაფთალი ბენეტის მთავრობას მხარი 60-მა დეპუტატმა დაუჭირა, 59 კი წინააღმდეგ წავიდა.

ცნობისთვის, ცენტრისტმა იაირ ლაპიდმა ნაფტალი ბენეტთან მიაღწია შეთანხმებას ფართო სამთავრობო კოალიციის შექმნაზე. ამ შეთანხმებით, ბენეტი 2 წლის მანძილზე იქნება პრემიერი, 2023 წელს კი მას იაირ ​ლაპიდი შეცვლის.