ჟოზეფ ბორელი - ევროკავშირი მიესალმება საქართველოს მხარდაჭერით სომხეთისა და აზერბაიჯანის მიერ განხორციელებულ ქმედებებს, რამაც აზერბაიჯანის მიერ 15 სომეხი დაკავებულის გათავისუფლება გამოიწვია

ევროკავშირი მიესალმება სომხეთისა და აზერბაიჯანის მიერ განხორციელებულ ქმედებებს, რასაც ხელი შეუწყო საქართველომ და რამაც აზერბაიჯანის მიერ 15 სომეხი დაკავებულის გათავისუფლება და სომხეთის მიერ დანაღმული ტერიტორიების რუკების გადაცემა გამოიწვია, - ამის შესახებ საგარეო საქმეთა და უსაფრთხოების პოლიტიკის საკითხებში ევროკავშორის უმაღლესი წარმომადგენლის, ჟოზეფ ბორელის მიერ გავრცელებულ განცხადებაშია აღნიშნული.

ჟოზეფ ბორელი იმედს გამოთქვამს, რომ ეს ნაბიჯი გზას გაუხსნის მხარეებს შორის შემდგომ თანამშრომლობას და ყველა სომეხი დაკავებულის გათავისუფლებას.

"ეს არის მნიშვნელოვანი ჰუმანიტარული და ნდობის ჩამოყალიბების ჟესტები ბაქოსა და ერევანის მიერ, რომელიც, იმედია, გზას გახსნის მხარეებს შორის შემდგომი თანამშრომლობისა და ყველა დაკავებული სომეხის საბოლოოდ გათავისუფლებისკენ, აგრეთვე დანაღმული ტერიტორიების ყველა არსებული რუკის გადაცემისკენ იმისთვის, რომ მშვიდობიან მოსახლეობაში მსხვერპლის თავიდან აცილება მოხდეს,“- აღნიშნულია განცხადებაში.

ჟოზეფ ბორელი ხაზს უსვამს, რომ ევროკავშირმა და სხვა საერთაშორისო აქტორებმა აქტიურად წაახალისეს ამ მიმართულებით გადადგმული ნაბიჯები და ევროკავშირი მონაწილე ქვეყნებს შორის თანამშრომლობის გაგრძელებას მოითხოვს.

„ჩვენ გავაგრძელებთ კონფლიქტის მდგრადი და ყოვლისმომცველი მოგვარების ხელშეწყობას, მათ შორის, სადაც ეს შესაძლებელია, სტაბილიზაციის, პოსტკონფლიქტური რეაბილიტაციისა და ნდობის აღდგენის ღონისძიებების მხარდაჭერით და კიდევ ერთხელ გავიმეორებთ ჩვენს მოწოდებას სომხეთსა და აზერბაიჯანში, განაახლონ არსებითი მოლაპარაკებები ეუთოს მინსკის ჯგუფის თანათავმჯდომარეების ეგიდით,”- აღნიშნულია განცხადებაში.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა