ნატო-ს წესდების მეხუთე მუხლი წმინდა ვალდებულებაა. მინდა მთელმა ევროპამ იცოდეს, რომ აშშ თქვენთანაა, - ამის შესახებ აშშ-ის პრეზიდენტმა ჯო ბაიდენმა ნატოს სამიტის გახსნამდე განაცხადა.

მისი თქმით, ბოლო წლებში უფრო ცხადი ხდება, რომ ნატო ახალი გამოწვევების წინაშე დგას.

„ჩვენ ვხედავთ რუსეთს, ასევე ჩინეთს, რომელიც არ იქცევა იმის შესაბამისად, რისი იმედიც ჩვენ გვქონდა,“- აღნიშნა ბაიდენმა.

მისი თქმით, ნატო კრიტიკულად მნიშვნელოვანია აშშ-სთვის, ალიანსის წესდების მეხუთე მუხლი კი - „წმინდა ვალდებულებაა.“

„მსურს გარკვევით განვაცხადო, ნატო კრიტიკულად მნიშვნელოვანია აშშ-ის ინტერესებისთვის. ნატო-ს წესდების მეხუთე მუხლი წმინდა ვალდებულებაა. 11 სექტემბერს, როდესაც ჩვენ თავს დაგვესხნენ, ნატო-მ დაუყოვნებლივ დაგვიჭირა მხარი,“- აღნიშნა ბაიდენმა.

ცნობისათვის, ნატო-ს წესდების მეხუთე მუხლი ალიანსის წევრებს ერთმანეთის დაცვას ავალდებულებს.