პროექტის „აქტიური ცხოვრება ჩემი სტიქიაა" ფარგლებში შშშ პირთა უფლებების დაცვის დღისადმი მიძღვნილი ღონისძიება გაიმართა

„ახალგაზრდული მედიაკავშირის" ორგანიზებით, პროექტის „აქტიური ცხოვრება ჩემი სტიქიაა" ფარგლებში, ვეტერანების საქმეთა სახელმწიფო სამსახურის, თავდაცვის სამინისტროს თანადგომით და კომპანია "აჭარაბეთისა" და „სოკარის" მხარდაერით, „ლისი ლეიკ დეველოპმენტ"-ის ტერიტორიაზე, შშშ პირთა უფლებების დაცვის დღისადმი მიძღვნილი ღონისძიება გაიმართა.

ღონისძიება მონაწილეობა მიიღო 100–ზე მეტმა, სხვადასხვა კატეგორიის მქონე შშმ პირმა, პარასპორტსმენებმა, სამშვიდობო მისიებში დაჭრილ-დაშავებულმა სამხედრო მოსამსახურეებმა და ომის ვეტერანებმა.

გაიმართა სპორტული აქტივობები, კერძოდ, ველორბოლა ლისის ტბის გარშემო, როგორც ჩვეულებრივი, ისე ხელით სამართავი პარაველოსიპედებით და შემდეგ კონცერტი, რომელში მონაწილეობა შშმ პირებმაც მიიღეს.

როგორც ვეტერანების საქმეთა სახელმწიფო სამსახურის ინფორმაციაშია ნათქვამი, შშმ პირთა უფლებების დაცვის დღისადმი მიძღვნილ ღონისძიებას ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე დაესწრო.

"დღეს, საქართველოში, შეზღუდული შესაძლებლობების მქონე პირთა უფლებების დაცვის დღე აღინიშნება. იმ ადამიანთა უფლებების დაცვის დღე, რომლებიც ჩვენი ორგანული ნაწილნი არიან და რომელთა თანადგომა, მხარდაჭერა თითოეული ჩვენგანის მორალური, ადამიანური ვალდებულებაა. მე წარმოვადგენ იმ უწყებას, რომლის ბენეფიციართა შორისაც, არც თუ ცოტანი არიან ადამიანები, რომელთაც ჩვენი ქვეყნის ტერიტორიული მთლიანობის, თავისუფლებისა და დამოუკიდებლობისათვის ბრძოლაში მიიღეს ფიზიკური ტრავმები, თუმცა, ბევრი მათგანი, თავისი სულიერი გაუტეხელობით, დღესაც გვაძლევს სიმხნევის, სიმამაცის მაგალითს. ჩვენ, ყველამ გაცილებით მეტი უნდა გავაკეთოთ, ყველამ ერთად უნდა დავამსხვრიოთ საზოგადოების გარკვეულ ნაწილში ჯერ კიდევ არსებული სტიგმა შშმ პირთა მიმართ და კიდევ ერთხელ დავუმტკიცოთ მათაც და ერთმანეთსაც, რომ შეზღუდული შესაძლებლობები არ არსებობს!" , - განაცხადა კობა კობალაძემ.

14 ივნისი, საქართველოში შეზღუდული შესაძლებლობების მქონე პირთა უფლებების დაცვის დღედ, საქართველოს პარლამენტის მიერ, 2000 წელს გამოცხადდა.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა