დღეს პარტია „საქართველოსთვის" პირველი რეგიონალური ოფისი გაიხსნა - ქალაქ ბათუმში. ოფისის გახსნას პარტიის თავმჯდომარე - გიორგი გახარია, პარტიის სხვა ლიდერები, წევრები და მხარდამჭერები ესწრებოდნენ.

„მინდა მოგახსენოთ, რომ ჩვენ გვიკავშირდება უამრავი მხარდამჭერი, რომელიც მოწადინებულია შეუერთდეს ჩვენს პოლიტიკურ მოძრაობას და უახლოეს პერიოდში ეტაპობრივად გაიხსნება ჩვენი რეგიონალური ოფისები ყველა რეგიონში" , - განაცხადა პარტიის პოლიტსაბჭოს წევრმა კოტე ანანიაშვილმა.

როგორც ინფორმაციაშია აღნიშნული, ოფისის გახსნის შემდგომ პარტიის წევრებმა ასევე განიხილეს პარტია „საქართველოსთვის" პროგრამული ხედვები, რომელსაც პარტია ამუშავებს.