ნატო-ს გენერალურმა მდივანმა იენს სტოლტენგერგმა ბრიუსელის სამიტის დასრულების შემდეგ პრესკონფერენციის დროს განაცხადა, ალიანსისთვის ახალი ეტაპი დაიწყო.
„დღეს ჩვენი ალიანსის ცხოვრებაში ახალი ეტაპი დაიწყო. ჩვენ გვაქვს ძლიერი მესიჯი აშშ-ის პრეზიდენტ ბაიდენისგან, რომ ის ნატო-ს სრულიად უჭერს მხარს. ალიანსის თითოეული მხარე იზიარებს, აზრს, რომ თანამედროვე გამოწვევების გასამკლავებლად ევროპა და ჩრდილოეთ ამერიკა ერთად უნდა იდგნენ, რათა დავიცვათ საკუთარი ინტერესები და ღირებულებები”, - აღნიშნა მან.
იენს სტოლტენბერგმა განაცხადა, რომ ისეთი ავტორიტარული ქვეყნები, როგორებიცაა ჩინეთი და რუსეთი, საერთაშორისო წესრიგს საფრთხეს უქმნიან.
„"ცივი ომის" დასრულების შემდეგ ჩვენი ურთიერთობა რუსეთთან ყველაზე დაბალ ნიშნულზე იმყოფება. მოსკოვის აგრესიული ქმედებები კი ჩვენს უსაფრთხოებას საფრთხეს უქმნის“, -განაცხადა სტოლტენბერგმა.