ევროკავშირში ჩინეთის მისია ნატო-ს მოუწოდებს, „ჩინეთის საფრთხის თეორიის" გაზვიადება შეწყვიტოს, - ამის შესახებ ინფორმაციას Reuters-ი ავრცელებს.
მათი მტკიცებით, ნატო-ს სამიტზე გაკეთებული განცხადება ჩინეთის მშვიდობიანი განვითარების მიმართ ცილისწამებაა.
„ჩინეთი ყოველთვის მშვიდობიანი განვითარების ერთგულია. ჩვენ არავის ვუქმნით „სისტემურ გამოწვევას“, მაგრამ თუ ვინმეს სურს „სისტემური გამოწვევის“ წინაშე ჩვენი დაყენება, გულგრილი არ დარჩებით“, - ნათქვამია მისიის მიერ გავრცელებულ განცხადებაში.
შეგახსენებთ, გუშინდელ სამიტზე ნატო-ს ლიდერებმა ჩინეთის მიმართ მკაცრი პოზიცია დააფიქსირეს. „ჩინეთის გამოხატული ამბიციები და დაჟინებული ქცევა წარმოადგენს სისტემურ გამოწვევებს წესებზე დაფუძნებული საერთაშორისო წესრიგისა და ალიანსის უსაფრთხოებისთვის“, - ნათქვამია ნატო-ს ლიდერების კომუნიკეში.