რუსეთის პრეზიდენტის თანაშემწე ბაიდენ-პუტინის შეხვედრაზე - დარწმუნებული არ ვარ, რომ რაიმე შეთანხმების მიღწევა მოხდება
ვლადიმერ პუტინის თანაშემწის იური უშაკოვის განცხადებით, ნაკლებად სავარაუდოა, რომ აშშ-ის პრეზიდენტმა ჯო ბაიდენმა და რუსეთის პრეზიდენტმა ვლადიმერ პუტინმა ოთხშაბათს კონკრეტულ შეთანხმებებს მიაღწიონ, თუმცა მოლაპარაკებები მაინც მნიშვნელოვანია.
„დარწმუნებული არ ვარ, რომ რაიმე შეთანხმება იქნება მიღწეული. მე ამ შეხვედრას პრაქტიკულად ოპტიმიზმით ვუყურებ”, - განაცხადა უშაკოვმა ჟურნალისტებთან საუბარში.
მისი თქმით, თეთრი სახლის მრჩეველთან უსაფრთხოების საკითხებში, ჯეიკ სალივანთან, შეხვედრის დღის წესრიგთან დაკავშირებით სატელეფონო კომუნიკაცია შედგა.
კრემლის თანაშემწის ინფორმაციით, განსახილველ თემებს შორის არის ბირთვული სტაბილურობა, კლიმატის ცვლილებები, კიბერუსაფრთხოება, ასევე რუსეთის ციხეებში მყოფი აშშ-ის მოქალაქეებისა და აშშ-ის ციხეებში მყოფი რუსეთის მოქალაქეების ბედი.
