სომხეთში ბოლო დღე-ღამის განმავლობაში კორონავირუსის 82 ახალი დადასტურებული შემთხვევა გამოვლინდა და მთლიანობაში ინფიცირების რაოდენობა 223 805 -მდე გაიზარდა. ამის შესახებ ქვეყნის დაავადებათა კონტროლისა და პროფილაქტიკის ცენტრი იუწყება.
ამავე პერიოდის განმავლობაში სომხეთში ვირუსით 1 პაციენტი გარდაიცვალა, პანდემიის დაწყების დროიდან დაღუპულთა საერთო რაოდენობა კი 4 489-ია. რაც შეეხება განკურნებულებს, ვირუსისგან დღემდე 215 228 პაციენტი გამოჯანმრთელდა.