თუ არ აჩვენე, რომ შენს ქვეყანაში არის სასამართლო და არა ივანიშვილის ჯიხური, არავინ მიგიღებს ნატო-ში, ნატო-ში გაწევრიანებისთვის აქ უნდა გატარდეს რეფორმები, ჩვენ უნდა გვქონდეს სურვილი და არ უნდა ვიყურებოდეთ ცალი თვალით რუსეთისკენ, - ასე ეხმიანება „ნაციონალური მოძრაობის" დეპუტატი რომან გოცირიძე ჟურნალისტებთან ნატო-ს გუშინდელ სამიტს.
როგორც ის აღნიშნავს, უკრაინას, საქართველოს ხელისუფლებისგან განსხვავებით, მკაცრი და მკაფიო განცხადებები ჰქონდა ქვეყნის ნატო-ში გაწევრიანების დაჩქარების შესახებ.
„საქართველოს ხელისუფლება 8 წელიწადია თავჩაღუნულო დგას, ერთ ადგილას იტკეპნება, კარზე დაკაკუნებასაც კი ვერ ბედავენ, ან როგორ უნდა დააკაკუნო, როცა კარი ღიაა. ღია კარის პოლიტიკა განმეორდა კვლავაც ნატო-ს სამიტზე, შევარდნაძეს შეიძლება ეთქვა, რომ ნატო-ს კარზე უნდა დავაკუნოთო, მაგრამ 30 წელიწადი გავიდა და არაფერს აკეთებს საქართველოს ხელისუფლება და აქ მიმდინარე ანტიდემოკრატიული პროცესები, უკარგავს საქართველოს აქტუალობას და ნატო-ში გავწევრიანბის პერსპექტივას,"- განაცხადა გოცირიძემ.