რუსეთმა ბელარუსის ოპოზიციის ლიდერი სვეტლანა ტიხანოვსკაია ძებნილთა სიიდან ამოიღო, - ამის შესახებ ინფორმაციას რუსული მედია ავრცელებს.
მათივე ინფორმაციით, აღნიშნული გადაწყვეტილების მიღება ბელარუსის ხელისუფლების ინიციატივით მოხდა.
შეგახსენებთ, ტიხანოვსკაიამ ბელარუსი გასულ წელს მას შემდეგ დატოვა, რაც პრეზიდენტმა ალექსანდრე ლუკაშენკომ საპროტესტო აქციების დარბევა დაიწყო, რომლის მონაწილეებიც მას 2020 წლის საპრეზიდენტო არჩევნების გაყალბებაში ადანაშაულებდნენ და აცხადებდნენ, რომ არჩევნებში რეალურად ოპოზიციის კანდიდატმა, ტიხანოვსკაიამ გაიმარჯვა. სვეტლანა ტიხანოსვკაია ამჟამად ლიეტუვას აფარებს თავს.