ქალაქ შუშაში თურქეთის გენერალური საკონსულო გაიხსნება, - აზერბაიჯანული მედიის ინფორმაციით, ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა, რომელიც დღეს ქალაქს ესტუმრა.
მისი თქმით, საკონსულოს გახსნა უახლოეს მომავალში იგეგმება.
”ამ გზით ჩვენ უზრუნველვყოფთ, რომ რეგიონში ჩვენი საქმიანობა უფრო სწრაფი და ეფექტური იყოს“, - აღნიშნა ერდოღანმა.
ცნობისათვის, თურქეთის პრეზიდენტი რეჯეფ თაიფ ერდოღანი ოფიციალური ვიზიტით აზერბაიჯანში დღეს ჩავიდა და მთიანი ყარაბაღის ქალაქებს ფიზულსა და შუშას ეწვია.