ნიკა მელიამ ამერიკის შეერთებულ შტატებში ოფიციალური ვიზიტის ფარგლებში ატლანტიკურ საბჭოში შეხვედრა გამართა.

როგორც „ინტერპრესნიუსს“ „ერთიანი ნაციონალური მოძრაობიდან“ აცნობეს, შეხვედრას საბჭოს ვიცე - პრეზიდენტი დეიმონ ვილსონი და საბჭოს სხვა წევრები ესწრებოდნენ.

„შეხვედრაზე საუბარი იყო საქართველოში მიმდინარე პროცესებზე, სტრატეგიული პარტნიორობის გაძლიერებაზე, გეოპოლიტიკურ საფრთხეებზე და რუსეთის გაზრდილ გავლენებზე რეგიონში. ყურადღება ასევე დაეთმო საქართველოში დემოკრატიული პროცესების განვითარებას და ხაზი გაესვა ოპოზიციური ერთიანობის მნიშვნელობას მომავალი არჩევნებისთვის“, - ნათქვამია გავრცელებულ ინფორმაციაში.

იხილეთ ვიდეო:ნიკა მელიამ აშშ-ში ატლანტიკურ საბჭოში შეხვედრა გამართა