Reuters - ევროკავშირმა რუსული ვაქცინის დამტკიცება გადადო

ევროკავშირმა რუსული წარმოების კორონავირუსის საწინააღმდეგო ვაქცინის - „სპუტნიკის“ - დამტკიცება გადადო, - ინფორმაციას Reuters-ი სანდო წყაროზე დაყრდნობით ავრცელებს.

როგორც საკითხში გარკვეულმა პირებმა სააგენტოს განუცხადეს, რუსული ვაქცინის დამტკიცების გადადების მიზეზი ის გახდა, რომ საჭირო მონაცემები ევროპის მედიკამენტების სააგენტოს განსაზღვრულ ვადაში, 10 ივნისამდე არ წარუდგინეს.

„სპუტნიკის“ დამტკიცება, სავარაუდოდ, სექტემბრამდე, ან შესაძლებელია წლის ბოლომდეც კი, გადაიდო “, - განაცხადა წყარომ Reuters-თან საუბარში.

ცნობისათვის, ევროპული მედიკამენტების სააგენტოს რუსულ ვაქცინასთან დაკავშირებით გადაწყვეტილება მაისში ან ივნისში უნდა მიეღო. ევროკავშირის ორმა ქვეყანამ - უნგრეთმა და სლოვაკეთმა - მოსახლეობის ვაქცინაციისთვის „სპუტნიკის“ გამოყენება უკვე დაიწყეს, მიუხედავად იმისა, რომ ევროპული მედიკამენტების სააგენტოს ვაქცინა ჯერ ოფიციალურად არ დაუმტკიცებია.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა