ირაკლი კოვზანაძე აუდიტის სამსახურის ხელმძღვანელს - რატომ შემცირდა აუდიტის შედეგად გამოვლენილი დარღვევების თანხობრივი მოცულობა?

რატომ შემცირდა აუდიტის შედეგად გამოვლენილი დარღვევების თანხობრივი მოცულობა?-ამ კითხვით მიმართა პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძემ სახელმწიფო აუდიტის სამსახურის ხელმძღვანელს ირაკლი მექვაბიშვილს კომიტეტის სხდომაზე, სადაც 2020 წლის აუდიტის ანგარიშს ისმენენ.

ირაკლი კოვზანაძის თქმით, 2020 წელის საქმიანობის შედეგად 2 პროცენტული პუნქტით გაიზარდა ნაერთი ბიუჯეტის დაფარვის მაჩვენებელი და მან შეადგინა 89% (თანხობრივად 13.8 მლრდ ლარზე მეტი), რაც კარგია, მაგრამ ამავდროულად, წინა წლებთან შედარებით მნიშვნელოვნად, თითქმის 2-ჯერ, 35 მლნ ლარამდე (2019 წ. 68 მლნ ლარი; 2018 წ. 66 მლნ ლარი) შემცირდა აუდიტის შედეგად გამოვლენილი დარღვევების ჯამური მოცულობა.

"რამ გამოიწვია გამოვლენილი დარღვევების თანხობრივი მოცულობის შემცირება - იმით, რომ ორგანიზაციები უკეთ და უფრო ეფექტურად მუშაობენ, გადაცდომებმა იკლო, თუ იკლო აუდიტორების კვალიფიკაციამ, მონდომებამ და შემართებამ?" - მიმართა კითხვით ირაკლი კოვზანაძემ გენერალურ აუდიტორს.

ამ წუთებში პარლამენტის საფინანსო-საბიუჯეტო კომიტეტში სახელმწიფო აუდიტის სამსახურის 2020 წლის საქმიანობის ანგარიშს უსმენენ.

ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
ქართული პრესის მიმოხილვა 08.08.2022
თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო