ევროპარლამენტარი რადოსლავ სიკორსკი - პრეზიდენტო ბაიდენ, გთხოვთ, გადაეცით პუტინს: თუკი კვლავ დაესხმება თავს მეზობელს, ჩვენ საქმით და არა მხოლოდ სიტყვებით ვუპასუხებთ

პრეზიდენტო ბაიდენ, გთხოვთ, გადაეცით პუტინს ჩვენგან, რომ თუ ის ქვეყნებს გაზით დააშანტაჟებს, პასუხად „ჩრდილოეთ ნაკადის“ სანქციებს მიიღებს, - ამის შესახებ ევროპარლამენტარი რადოსლავ სიკორსკი ვიდეომიმართვაში აცხადებს, რომელიც ევროპარლამენტის „ტვიტერის“ გვერდზეა გამოქვეყნებული.

„პრეზიდენტო ბაიდენ, გთხოვთ, გადაეცით ჩვენგან პუტინს, რომ თუ ის ქვეყნებს გაზით დააშანტაჟებს, პასუხად „ჩრდილოეთ ნაკადის“ სანქციებს მიიღებს. თუკი კვლავ დაესხმება თავს მეზობელს, ჩვენ საქმით და არა მხოლოდ სიტყვებით ვუპასუხებთ. რამდენჯერაც ის ან ლუკაშენკო მოკლავს ან გაიტაცებს ოპონენტს, ჩვენ გავაორმაგებთ დახმარებას რუსი და ბელარუსი დემოკრატებისთვის,“- აცხადებს ევროპარლამენტარი.

შეგახსენებთ, აშშ-ის პრეზიდენტ ჯო ბაიდენსა და რუსეთის პრეზიდენტ ვლადიმერ პუტინს შორის შეხვედრა ჟენევაში დღეს, ადგილობრივი დროით დაახლოებით 13:35 საათზე დაიწყება და დაახლოებით 5 საათს გაგრძელდება. პრეზიდენტების შეხვედრას ვილა ლა გრანჟი უმასპინძლებს. თეთრმა სახლმაც და კრემლმაც დაადასტურეს, რომ ლიდერები ერთობლივ პრესკონფერენციას არ გეგმავენ. ამის ნაცვლად, ისინი შეხვედრის შედეგებზე ცალ-ცალკე ისაუბრებენ.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს