მსოფლიოში ყველაზე მეტი კიბერშეტევა შეერთებული შტატებიდან ხორციელდება, რუსეთი არ არის "წამყვანი" ქვეყნების სიაში, - ამის შესახებ რუსეთის პრეზიდენტმა ვლადიმერ პუტინმა ჯო ბაიდენთან შეხვედრის შემდეგ განაცხადა.

„მინდა მოგაწოდოთ ინფორმაცია, რაც ამერიკული წყაროებიდან გამომდინარეობს, რომ მსოფლიოში ყველაზე მეტი კიბერშეტევა ამერიკული კიბერსივრციდან ხორციელდება, მეორე ადგილზეა - კანადა. შემდეგ - ლათინური ამერიკის ორი ქვეყანა. შემდეგ დიდი ბრიტანეთი. რუსეთი არ შედის იმ ქვეყნების სიაში, რომელთა კიბერსივრციდან ყველაზე მეტი სხვადასხვა სახის კიბერშეტევა ხორციელდება", - აღნიშნა პუტინმა.