ვლადიმერ პუტინი - მივდივარ იქამდე, რომ ნავალნის სურდა, დაეკავებინათ

რუსეთის პრეზიდენტი ვლადიმერ პუტინი აცხადებს, რომ პატიმრობაში მყოფ ოპოზიციონერ ალექსი ნავალნის სურდა, რომ დაეკავებინათ და განზრახ გადადგა შესაბამისი ნაბიჯები.

„ის არ გამოცხადდა რეგისტრაციაზე გერმანიაში საავადმყოფოდან გამოწერის შემდეგ, უგულებელყო კანონის მოთხოვნა, ეს იცოდა და ჩამოვიდა მოსკოვში. მე მივდივარ იქამდე, რომ მას განზრახ სურდა, რომ დაეკავებინათ. მან გააკეთა ის, რაც სურდა, ასე რომ, აქ რაზე შეიძლება საუბარი“, - განაცხადა პუტინმა ჯო ბაიდენთან შეხვედრის შემდეგ გამართულ პრესკონფერენციაზე.

მისი თქმით, შეხვედრისას პრეზიდენტი ბაიდენი შეეხო ადამიანის უფლებების თემას.

„დიახ, ჩვენ ამაზე ვისაუბრეთ მისი ინიციატივით“, - აღნიშნა პუტინმა.

მან ადამიანის უფლებების კუთხით პარალელი გაავლო აშშ-სთანაც.

„ადამიანის უფლებების საკითხს რაც შეეხება გუანტანამო ისევ არსებობს, სრულიად არ შეესაბამება არაფერს, არც საერთაშორისო სამართალს, არც ამერიკულ კანონებს, არაფერს, მაგრამ აქამდე არსებობს. ცენტრალური სადაზვერვო სამსახურის ციხეები ამ დრომდე ღიაა, სადაც მიღებულია წამება. ეს რა არის? ეს ადამიანის უფლებებია? ვფიქრობ, რომ - არა. ეს არის რეალური პოლიტიკის პრაქტიკა“, - განაცხადა პუტინმა.

მისი თქმით, ნავალნისთან დაკავშირებული ორგანიზაცია, საჯაროდ მოუწოდებდა მასობრივი არეულობისკენ. „ცოტა ხნის წინ არეულობა მოხდა აშშ-ში აფროამერიკელი ჯორჯ ფლოიდის გარდაცვალების შემდეგ. მათ თანავუგრძნობთ, მაგრამ არ გვინდა, რომ ეს მოხდეს ჩვენს ტერიტორიაზე, და ყველაფერს გავაკეთებთ რომ ეს არ დავუშვათ“, - აღნიშნა პუტინმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს