ჩვენ არ გვინდა რუსეთი აშშ-ს მსგავსი იყოს, - ამის შესახებ რუსეთის პრეზიდენტმა ვლადიმერ პუტინმა ჟენევაში აშშ-ის პრეზიდენტ ჯო ბაიდენთან შეხვედრის შემდეგ პრესკონფერენციაზე განაცხადა.
ვლადიმერ პუტინმა ABC News-ის ჟურნალისტის შეკითხვაზე, რატომ ხოცავენ, აპატიმრებენ და წამლავენ რუს ოპოზიციონერებს და ნიშნავს თუ არა ეს, რომ პუტინს პოლიტიკურად ბრძოლა არ სურს, უპასუხა:
„რუსეთს არ სურს მის საზღვრებში ქაოსი იყოს, ისეთი მაგალითად, როგორიც აშშ-ში 6 იანვარს კაპიტოლიუმზე თავდასხმის დროს მოხდა. ჩვენ მსგავს რამეს რუსეთში არ დავუშვებთ და არ გვინდა, რომ რუსეთი აშშ-ს ჰგავდეს“, - განაცხადა პუტინმა.