აშშ-ისა და რუსეთის პრეზიდენტებმა ჯო ბაიდენმა და ვლადიმერ პუტინმა ჟენევა დატოვეს, სადაც მათი პირველი შეხვედრა გაიმართა.

CNN-ის ცნობით, ბაიდენი შვეიცარიიდან ვაშინგტონში Air Force One-ით გაემგზავრა.

მანამდე, რუსეთის პრეზიდენტის ვლადიმერ პუტინის თვითმფრინავი ჟენევიდან აფრინდა.

ლიდერებს შორის ჟენევაში პირისპირ და გაფართოებულ ფორმატში შეხვედრა 4.5 საათს გაგრძელდა. ამის შემდეგ ბაიდენმა და პუტინმა შეხვედრის თაობაზე ცალ-ცალკე გამართეს პრესკონფერენციები.