დროებითი საგამოძიებო კომისია არასამთავრობო ორგანიზაციების წარმომადგენლების ახსნა-განმარტებებს მოისმენს

მარნეულის 89-ე საარჩევნო უბანში, მთელი საქართველოს მასშტაბით, ყველაზე დიდი დისბალანსი დაფიქსირდა. თავიდან ეწერათ, რომ ხელმოწერებთან შედარებით 83 ბიულეტენით ნაკლები იყო. გადათვლის შედეგად კი დადგინდა, რომ 85 ბიულეტენით ნაკლებია. ჩვენი მთავარი შეკითხვაა - სად წავიდა ეს ბიულეტენები?!“, - ამის შესახებ 2020 წლის 31 ოქტომბრის საპარლამენტო არჩევნების შემსწავლელი საქართველოს პარლამენტის დროებითი საგამოძიებო კომისიის თავმჯდომარემ, გივი მიქანაძემ განაცხადა.

აღნიშნულ საკითხთან დაკავშირებით, დღეს საგამოძიებო კომისია მარნეულის 89-ე საარჩევნო უბნის კომისიის წევრების და მარნეულის საოლქო კომისიის თავმჯდომარისგან ახსნა-განმარტებებს მოისმენს.

მათივე ცნობით, დღესვე, კომისია მოისმენს არასამთავრობო ორგანიზაციის წარმომადგენლების, „საქართველოს ახალგაზრდა იურისტთა ასოციაცია“, „კავშირი საერთო-სამოქალაქო მოძრაობა მრავალეროვანი საქართველო“, „სამართლიანი არჩევნები და დემოკრატიის საერთაშორისო საზოგადოება“ და „საერთაშორისო გამჭვირვალობა - საქართველო“ პოზიციებს, მათ ანგარიშებში დაფიქსირებულ დარღვევებთან დაკავშირებით.

„ჩვენ გვაინტერესებს მათი შეფასებები და რეკომენდაციები. მათ ანგარიშებში იკითხება სავარაუდო მოსყიდვის, სავარაუდო ძალადობის, სავარაუდო ადმინისტრაციული რესურსის გამოყენების ფაქტები და გვაინტერესებს რეალურად თუ აქვთ მათ ამის კონკრეტული მტკიცებულებები“, - განაცხადა გივი მიქანაძემ.

მისივე თქმით, ასევე საინტერესოა დავებთან დაკავშირებით ამ ორგანიზაციების პოზიცია, რადგან მათივე ანგარიშებში იკითხება, რომ საჩივრების 67% პოლიტიკური სუბიექტების მიერ წარდგენილი იყო ან ვადის დარღვევით ან არაუფლებამოსილი პირების მიერ.

„ამ საკითხებთან დაკავშირებით კომისიისთვის საინტერესოა მათი შეფასება, ხომ არ იყო ეს ხელოვნურად რაოდენობაზე ორიენტირებული იმისთვის, რომ საზოგადოებისთვის, როგორც ქვეყნის შიგნით, ასევე ქვეყნის გარეთ, ეჩვენებინათ, რომ იყო ბევრი საჩივრები, მაგრამ არ მოხდა მათი შინაარსობრივად განხილვა“, - აღნიშნა დროებითი საგამოძიებო კომისიის თავმჯდომარემ.

გივი მიქანაძის განცხადებით, აღნიშნული ოთხი არასამთავრობო ორგანიზაცია შეირჩა არჩევნებზე სადამკვირვებლო მისიის განხორციელების ყველაზე დიდი გამოცდილების გამო და ასევე 2020 წლის 31 ოქტომბრის საპარლამენტო არჩევნების დროს სწორედ მათ ჰყავდათ ყველაზე მეტი დამკვირვებელი საარჩევნო უბნებზე.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს