მიხეილ სარჯველაძე - სახალხო დამცველის რეკომენდაციების საფუძველზე პარლამენტი დადგენილების პროექტს შეიმუშავებს

სახალხო დამცველის ანგარიში მოიცავს ძალიან მნიშვნელოვან საკითხებს, პრაქტიკულად, ყველა ასპექტსა და საჭირბოროტო საკითხს, რომელიც ჩვენი ქვეყნისთვის მნიშვნელოვანია, როგორც ადამიანის უფლებათა დაცვის, ასევე სამოქალაქო ინტეგრაციის მიმართულებით, - ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ კომიტეტის სხდომაზე განაცხადა, სადაც დეპუტატები სახალხო დამცველს, ნინო ლომჯარიას უსმენენ.

როგორც „ინტერპრესნიუსს“ საქართველოს პარლამენტიდან აცნობეს, სახალხო დამცველის რეკომენდაციების საფუძველზე პარლამენტი დადგენილების პროექტს შეიმუშავებს.

სახალხო დამცველი, ნინო ლომჯარია 2020 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ ანგარიშს აცნობს დეპუტატებს.

„პარლამენტის მიერ შემუშავებული დადგენილების მიხედვით გვექნება უკვე შესაძლებლობა ვისაუბროთ სამომავლოდ სხვადასხვა უწყებების მიერ განსახორციელებელი აქტივობების შესახებ, რომელიც იქნება სწორედ ის სამუაო, რომელიც საქართველოში გააუმჯობესებს ადამიანის უფლებათა დაცვის მდგომარეობას“, -აღნიშნა კომიტეტის თავმჯდომარემ.

დღესვე კომიტეტი იმ უწყებების პოზიციებს გაეცნობა, რომელთა მიმართ სახალხო დამცველმა რეკომენდაციები და წინადადებები შეიმუშავა და გასცა. სახალხო დამცველის ანგარიშში, რომელიც 31 თავისგან შედგება, მიმოხილულია 2020 წელს კონსტიტუციით გარანტირებული ადამიანის უფლებების დაცვის თვალსაზრისით ქვეყანაში არსებული გამოწვევები და პროგრესი, ასევე, სახალხო დამცველის მიერ გაცემული რეკომენდაციებისა და წინადადებების შესრულების მდგომარეობა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის