მოსკოვში კოვიდშეზღუდვები ხანგრძლივდება

რუსეთის დედაქალაქ მოსკოვში კორონავირუსის გამო დაწესებული შეზღუდვები 29 ივნისამდე ხანგრძლივდება, - მედიის ინფორმაციით, ამის შესახებ დედაქალაქის მერმა სერგეი სობიანინმა განაცხადა.

მისი თქმით, კორონავირუსის შემთხვევების გავრცელების ზრდის გამო ქალაქში საბავშვო მოედნები და სათამაშო სივრცეები დახურული რჩება, ძალაში რჩება ასევე რესტორნების, კაფეების და კლუბების მუშაობაზე დაწესებული შეზღუდვაც, რომლის თანახმადაც აღნიშნულ ობიექტებს 23:00 საათიდან 06:00 საათამდე მუშაობის უფლება ეკრძალებათ, იხურება ევროპის საფეხბურთო ჩემპიონატისთვის მოწყობილი გულშემატკივართა ზონები და იკრძალება ისეთი მასობრივი ღონისძიებების გამართვა, რომელსაც 1 000-ზე მეტი ადამიანი ესწრება. რაც შეეხება თეატრებსა და კინოთეატრებს, ისინი ღია დარჩება.

ამასთან, ექსპერიმენტის სახით, მოსკოვში 19 ივნისიდან 29 ივნისამდე რამდენიმე COVID-free რესტორანი ღამის საათებშიც იმუშავებს. ამ რესტორნების ყველა თანამშრომელი კორონავირუსის საწინააღმდეგო ვაქცინით აცრილი იქნება, რაც შეეხება ვიზიტორებს, ისინი ვაქცინირებული ან ვირუსისგან უკვე განკურნებულები უნდა იყვნენ. რესტორანში კონტროლი QR კოდის საშუალებით განხორციელდება.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის