რუსეთში, ბოლო 24 საათის განმავლობაში, კოვიდ 19-ის 17 262 ახალი შემთხვევა დაფიქსირდა, რაც ყველაზე მაღალი დღიური მაჩვენებელია ქვეყნისთვის 1-ელი თებერვლის შემდეგ, - ინფორმაციას ადგილობრივი მედია ავრცელებს.

ამასთან, რუსეთში ვირუსით კიდევ 453 პაციენტი დაიღუპა, რაც ასევე რეკორდული დღიური რაოდენობაა ქვეყნისთვის 18 მარტის შემდეგ.

რუსეთში, პანდემიის დაწყების დროიდან, ინფიცირების 5 281 309 დადასტურებული შემთხვევაა გამოვლენილი, დაღუპულია 128 445 ადამიანი.

კოვიდინფიცირებული პაციენტების რაოდენობის მიხედვით, რუსეთი აშშ-ის, ინდოეთის, ბრაზილიის, საფრანგეთისა და თურქეთის შემდეგ მსოფლიოში მე-6 ადგილზეა.