ლევან დავითაშვილი - უვნებელი სურსათი რესტორნებსა და კვების ობიექტებში მათ რეპუტაციაზე აისახება

უვნებელი სურსათი რესტორნებსა და კვების ობიექტებში მათ რეპუტაციაზე აისახება, რაც მნიშვნელოვანია როგორც ადგილობრივი მომხმარებლის, ასევე უცხოელი ვიზიტორების ნდობის მოპოვებისთვის,-ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა განაცხადა.

გარემოს დაცვისა და სოფლის მეურნეობის მინისტრმა, ლევან დავითაშვილმა და ბიზნესომბუდსმენის მოვალეობის შემსრულებელმა, ნინო კვეტენაძემ საზოგადოებრივი კვების ობიექტებში საფრთხის ანალიზისა და კრიტიკული საკონტროლო წერტილების სისტემის (HACCP) დანერგვის საკითხები სარესტორნო სექტორის წარმომადგენლებთან შეხვედრაზე განიხილეს.

„HACCP-ის სისტემა წარმოადგენს მომხმარებლის დაცვის ყველაზე კარგ საშუალებას სურსათის წარმოების და მიწოდების ბიზნესში. მისი დანერგვა ხელს შეუწყობს სარესტორნო სექტორის კონკურენტუნარიანობის, საიმედოობის და რეპუტაციის ზრდას. ახალი რეგულაციების დანერგვა არასდროს არის მარტივი პროცესი, ამიტომ, ჩვენ ყოველთვის მზად ვართ ეს გზა ბიზნესთან ერთად გავიაროთ, რათა შედეგებს უფრო მალე და უმტკივნეულოდ მივაღწიოთ. მიუხედავად იმისა, რომ ახალი რეგულაციებისთვის მოსამზადებლად სარესტორნო სექტორს დიდი დრო ჰქონდა, მისი დანერგვა ბიზნესისთვის საკმაოდ რთულ პერიოდს დაემთხვა. კოვიდ 19-ის პანდემიამ აღნიშნული სექტორი მნიშვნელოვნად დააზარალა, თუმცა ბიზნესი სწორად აფასებს სურსათის უვნებლობის მნიშვნელობას და მზად არის, ჩვენი ხელშეწყობით, HACCP-ის სისტემა დანერგოს, რადგან ეს რეგულაციები, საბოლოოდ, სწორედ მათ ინტერესებშია. უვნებელი სურსათი რესტორნებსა და კვების ობიექტებში მათ რეპუტაციაზე აისახება, რაც მნიშვნელოვანია როგორც ადგილობრივი მომხმარებლის, ასევე უცხოელი ვიზიტორების ნდობის მოპოვებისთვის“, - აღნიშნა ლევან დავითაშვილმა.

შეხვედრაზე სურსათის ეროვნული სააგენტოს ხელმძღვანელმა პირებმა აღნიშნეს, რომ სააგენტო მზად არის, გარდამავალ პერიოდში, აქტიურად ითანამშრომლოს და მაქსიმალურად შეუწყოს ხელი სარესტორნო სექტორს. მათი ინფორმაციით, ევროკავშირის რეგულაციების შესაბამისად, HACCP-ის სისტემის დანერგვა სხვადასხვა პროფილის ობიექტებში ეტაპობრივად მიმდინარეობს.

საფრთხის ანალიზისა და კრიტიკული საკონტროლო წერტილების სისტემის (HACCP) დანერგვა სავალდებულოა: 2015 წლიდან - ნედლი რძის გადამმუშავებელ საწარმოებსა და სასაკლაოებში, 2018 წლიდან - ექსპორტისთვის განკუთვნილი გადამუშავებული თხილის გულის მწარმოებლებისთვის, 2021 წლის 1 იანვრიდან - ცხოველური წარმოშობის სურსათის მწარმოებელი ან/და გადამმუშავებელი ობიექტებისთვის.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა