მედიის ინფორმაციით, აზერბაიჯანის პროკურატურამ მთიან ყარაბაღში იარაღის კონტრაბანდული გზით შეტანის გამო სომეხ ბიზნესმენებზე საერთაშორისო ძებნა გამოაცხადა

აზერბაიჯანის გენერალურმა პროკურატურამ რამდენიმე სომეხ ბიზნესმენზე, მთიან ყარაბაღში იარაღის კონტრაბანდული გზით შეტანის გამო, საერთაშორისო ძებნა გამოაცხადა, - ინფორმაციას აზერბაიჯანული მედია ავრცელებს.

მათივე ინფორმაციით, გენერალურმა პროკურატურამ მოკვლევა დაიწყო ინფორმაციასთან დაკავშირებით, რომლის თანახმადაც, მთიან ყარაბაღში იარაღის, საბრძოლო მასალისა და სამხედრო ტექნიკის უკანონო ტრანსპორტირება ხორციელდებოდა.

უწყების განმარტებით, გამოძიებამ დაადგინა, რომ ბიზნესმენები : კომპანიების ჯგუფ „ტაშირის“ ხელმძღვანელი სამველ კარაპეტიანი, Royalsys Engineering-ის მფლობელი დავით გალუსტიანი და კომპანია KOMEX-ის გენერალური დირექტორი არა აბრამიანი, სხვა პირებთან ერთად, სომხეთის შეიარაღებული ძალების იარაღით მომარაგების მიზნით 2001-2021 წლებში სომხეთის რესპუბლიკასა და ოკუპირებულ მთიანი ყარაბაღის ტერიტორიაზე იარაღის კონტრაბანდული გზით შეტანას ახორციელებდნენ.

„2021 წლის 28 აპრილს, აზერბაიჯანის გენერალურმა პროკურატურამ აღძრა სისხლის სამართლის საქმე სისხლის სამართლის კოდექსის შესაბამისი მუხლებით. გამოძიება დაევალა გენერალური პროკურატურის საგამოძიებო დეპარტამენტს,“- აცხადებენ უწყებაში.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება