რუსეთის საზღვრებთან ნატო-ს ქვეყნების სამხედრო ობიექტების განლაგება ჩვენთვის განსაკუთრებული ყურადღების საგანია და უსაფრთხოების დაცვის მიზნით პროპორციული ნაბიჯების გადადგმის მიზეზია, - ამის შესახებ კრემლის პრესსპიკერმა დიმიტრი პესკოვმა განაცხადა, რითაც ის გამოეხმაურა ინფორმაციას აზერბაიჯანში თურქული სამხედრო ბაზის განთავსების შესახებ.
„ნატო-ს წევრი ქვეყნების სამხედრო ინფრასტრუქტურის შექმნა ჩვენს საზღვრებთან ნებისმიერ შემთხვევაში ჩვენი განსაკუთრებული ყურადღების საგანი და უსაფრთხოების შენარჩუნებისა და ჩვენი ინტერესების დასაცავად ნაბიჯების გადადგმის მიზეზია”, - აღნიშნა პესკოვმა.
მისი თქმით, რუსეთი ყურადღებით ადევნებს თვალყურს ინფორმაციას თურქეთის მიერ აზერბაიჯანში სამხედრო ბაზის შესაძლო შექმნასთან დაკავშირებით.
„ეჭვგარეშეა, რომ ეს ჩვენთვის დიდი ყურადღების საკითხია”, - აღნიშნა პესკოვმა.
შეგახსენებთ, თურქეთის პრეზიდენტმა რეჯეფ თაიფ ერდოღანმა არ გამორიცხა, რომ აზერბაიჯანთან ხელმოწერილი შუშას დეკლარაციის თანახმად, თურქეთმა აზერბაიჯანში სამხედრო ბაზა შექმნას.