პოლონეთის ვიცე - პრემიერი, სახელმწიფო უსაფრთხოების კომიტეტის თავმჯდომარე იაროსლავ კაჩინსკი რუსეთს მასშტაბური კიბერშეტევის განხორციელებაში ადანაშაულებს, რის შედეგადაც პოლიტიკოსები დაზარალდნენ. ამის შესახებ „დოიჩე ველე“ იუწყება.
„კიბერშეტევის შედეგად, პოლონეთის ოფიციალური პირები - მინისტრები და სხვადასხვა პოლიტიკური შეხედულებების მქონე დეპუტატები დაზარალდნენ“, - განაცხადა კაჩინსკიმ.
მისი თქმით, შესაბამისი ინფორმაცია მიღებულია შიდა უსაფრთხოების სააგენტოსა და სამხედრო კონტრდაზვერვის სამსახურის მიერ. ანალიზის შედეგად, რომელიც ჩატარდა პოლონეთის შესაბამისი უწყებებისა და მისი მოკავშირეების სპეცსამსახურების მიერ, დადგინდა, რომ ჰაკერული თავდასხმა რუსეთის ტერიტორიიდან განხორციელდა. მისი მიზანი პოლონეთის დესტაბილიზაციაა“, - განაცხადა კაჩინსკიმ.
მისი თქმით, ამ დრომდე მიმდინარეობს მტკიცებულებების შეგროვება. მას არ დაუკონკრეტებია, რა პერიოდში განხორციელდა კიბერშეტევა.