სომხეთის პრეზიდენტი - ძვირფასო თანამემამულეებო, ხმა მიეცით სამართლიანად და თავისუფლად, მხოლოდ საკუთარი სინდისის კარნახით

ეს არჩევნები რთულ კრიზისულ ვითარებაში ტარდება და გადამწყვეტი მნიშვნელობა აქვს ჩვენი სახელმწიფოსა და ხალხისთვის, - სომხური მედიის ინფორმაციით, ამის შესახებ პრეზიდენტი არმენ სარქისიანი წინაასარჩევნო მიმართვაში აცხადებს.

“მოვუწოდებ არჩევნებში მონაწილე ყველა პარტიასა და ბლოკს, ყველა საპარლამენტო კანდიდატს, რომ თავშეკავებულად და გონივრულად იმოქმედოს, იყოს შემწყნარებელი, არ დაარიოს ზნეობრივი საზღვრები პოლიტიკური მიზნებისთვის და საკუთარ მხარდამჭერებს მოთმინების გამოჩენისკენ მოუწოდოს.

მოვუწოდებ სამართალდამცავ ორგანოების, მკაცრად აღკვეთონ კანონისა და უფლების ნებისმიერი დარღვევა, გამოიჩინონ მიუკერძოებლობა, მაქსიმალური პასუხისმგებლობა და კანონის შესაბამისად იმოქმედონ,“- აცხადებს პრეზიდენტი.

მისი თქმით, არჩევნები რთულ კრიზისულ ვითარებაში ტარდება და გადამწყვეტი მნიშვნელობა აქვს სახელმწიფოსა და ხალხისთვის.

„ძვირფასო თანამემამულეებო, რომელ პოლიტიკურ ძალასაც არ უნდა ანიჭებდეთ უპირატესობას და როგორიც არ უნდა იყოს თქვენი გადაწყვეტილება, გახსოვდეთ, რომ ეს არის გადაწყვეტილება, რომელიც უნდა მიიღოთ სამშობლოს, ჩვენი სახელმწიფოს, თქვენი მომავლისა და თქვენი ოჯახის გამო. ხმა მიეცით სამართლიანად და თავისუფლად, მხოლოდ საკუთარი სინდისის კარნახით,“- აცხადებს პრეზიდენტი.

შეგახსენებთ, სომხეთში, ხვალ, ვადამდელი საპარლამენტო არჩევნები გაიმართება. საარჩევნო უბნები ადგილობრივი დროით 08:00 საათზე გაიხსენება და 20:00 საათზე დაიხურება. არჩევნებში 25 პოლიტიკური ძალა - 21 პარტია და 4 ალიანსი მონაწილეობს. სომხეთის ცენტრალური საარჩევნო კომისიის საარჩევნო სიის თანახმად, ქვეყანაში 2 583 823 პოტენციური ამომრჩეველია.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა