ბადრი ჯაფარიძე - „ოცნება“ ვალდებულია შეასრულოს მიშელის დოკუმენტით აღებული ვალდებულება, რაც იმას გულისხმობს, რომ მოსამართლეების დანიშვნა უნდა შეჩერდეს

„ლელო საქართველოსთვის“ ერთ-ერთი ლიდერის ბადრი ჯაფარიძის განცხადებით, მმართველი პარტია ვალდებულია შეასრულოს შარლ მიშელის დოკუმენტით გათვალისწინებული ვალდებულება, რაც უზენაეს სასამართლოში მოსამართლეთა გამწესების შეჩერებას გულისხმობს.

როგორც ბადრი ჯაფარიძემ აღნიშნა, პარლამენტს აქვს ბერკეტი იმისა, რომ უზენაეს სასამართლოში მოსამართლეების დანიშვნა შეაჩეროს.

„ქართული ოცნება“ ვერ გაექცევა იმ ვალდებულებას, რომელიც აღებულია შარლ მიშელის დოკუმენტით. ფორმალურად საუბარია იმაზე, რომ იუსტიციის უმაღლესი საბჭო არ იყო მხარე ამ შეთანხმების, მაგრამ „ქართული ოცნებაა“ ამ შეთანხმების მხარე. ამიტომ, ვალდებულია შეასრულოს შარლ მიშელის დოკუმენტით აღებული ვალდებულება. ეს გულისხმობს იმას, რომ უნდა შეჩერდეს მოსამართლეების დანიშვნა და ეს პროცესი ხელახლა დაიწყოს“ , - აცხადებს ბადრი ჯაფარიძე.

ცნობისთვის, საქართველოში ამერიკის შეერთებული შტატების ელჩმა კელი დეგნანმა იუსტიციის უმაღლესი საბჭოს მიერ პარლამენტისთის უზენაესი სასამართლოს მოსამართლეობის 9 კანდიდატის წარდგენის შეფასებისას განაცხადა, რომ უკიდურესად იმედგაცრუებულია იმით, რომ იუსტიციის უმაღლესმა საბჭომ პარლამენტს მოსამართლეთა კანდიდატები წარუდგინა, რაც, ცალსახად არ არის 19 აპრილის შეთანხმების სულისკვეთებაში. კელი დეგნანის შეფასებით, ახლა გამოჩნდება, პარლამენტი, მმართველი ძალა და ოპოზიცია რეალურად ერთგულნი არიან თუ არა იმ ვალდებულებების შესრულების, რომელზეც ისინი 19 აპრილს შეთანხმდნენ. როგორც ელჩმა აღნიშნა, თუ მოსამართლეთა დანიშვნის პროცესი გაგრძელდება, ეს წარმოშობს კითხვებს 19 აპრილის შეთანხმებით აღებული ვალდებულებების შესრულებასთან დაკავშირებით.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!