ანა ნაცვლიშვილი - ერთადერთი, რაც თამარ ჟვანიას შეუძლია უკეთესი საარჩევნო გარემოსთვის და სახელმწიფოსთვის გააკეთოს, ეს არის გადადგომა

როცა ცესკო-ს თავმჯდომარის თანამდებობაზე თამარ ჟვანია ინიშნებოდა, ნამდვილად ვერ ვიფიქრებდი, რომ ამ სიტყვების თქმა მომიწევდა, მაგრამ თამარ ჟვანიას საჯაროდ ერთადერთ რამეს ვეტყოდი - ერთადერთი რაც მას შეუძლია უკეთესი საარჩევნო გარემოსთვის და სახელმწიფოსთვის გააკეთოს, ეს არის მისი გადადგომა, - ამის შესახებ ჟურნალისტებს „ლელოს“ წევრმა, დეპუტატმა ანა ნაცვლიშვილმა განუცხადა.

„ერთადერთი ღირებული, რაც მას შეუძლია საარჩევნო პროცესს, პოლიტიკურ პროცესს და უკეთეს არჩევნებს შესძინოს, არის მხოლოდ გადადგომა. ეს არის ის ერთადერთი, რითიც შეუძლია უკეთესობას შეუწყოს ხელი", - განაცხადა ანა ნაცვლიშვილმა.

საარჩევნო რეფორმასთან დაკავშირებით პარლამენტში წარმოდგენილ პოლიტიკურ ძალებს შორის შეხვედრა მიმდინარეობს. შეხვედრაში მონაწილეობენ: ირაკლი კობახიძე, შალვა პაპუაშვილი, იაგო ხვიჩია, ლევან იოსელიანი, პაატა მანჯგალაძე, ანა ნაცვლიშვილი, ასევე ცესკო-ს თავმჯდომარის მოადგილე გიორგი შარაბიძე.

კონსულტაციის მთავარი თემაა საარჩევნო კოდექსზე ვენეციის კომისიისა და ოდირის რეკომენდაციები.

მხარები იმსჯელებენ, რა უნდა აისახოს და როგორ შეიძლება დაკორექტირდეს პარლამენტის მიერ პირველი მოსმენით მიღებული „საარჩევნო კოდექსში” ცვლილებების პროექტი. დღეს, ცვლილებებს მეორე მოსმენით იურიდიულ საკითხთა კომიტეტი განიხილავს.

გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
ქართული პრესის მიმოხილვა 11.08.2022
ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო