არჩილ თალაკვაძე - გვაჩვენეთ შარლ მიშელის შეთანხმების ერთი პუნქტი, რომელსაც არ ვასრულებთ ისე, როგორც ჩაწერილია - სასამართლო მოსამართლეების გარეშე არ წერია მიშელის შეთანხმებაში

გვაჩვენეთ შარლ მიშელის შეთანხმების ერთი პუნქტი, რომელსაც არ ვეკიდებით პასუხისმგებლობით და არ ვასრულებთ ისე, როგორც ჩაწერილია, სასამართლო მოსამართლეების გარეშე არ წერია მიშელის შეთანხმებაში, - ამის შესახებ პარლამენტის ვიცე-სპიკერმა არჩილ თალაკვაძემ უზენაეს სასამართლოში მოსამართლეთა დანიშვნის პროცესზე საუბრისას განაცხადა.

მისივე განცხადებით, მოსამართლეთა შერჩევის პროცესი 2 თვის განმავლობაში შეჩერებული იყო და მხოლოდ შარლ მიშელის შეთანხმების თანახმად კანონში განხორციელებული ცვლილებების შემდეგ გაგრძელდა, „შესაბამისად, ეს ვალდებულება და რეკომენდაცია შესრულებულია“.

არჩილ თალაკვაძე ასევე გამოეხმაურა პარტია „ლელო საქართველოსთვის“ ლიდერის, მამუკა ხაზარაძის განცხადებას, რომლის თქმით, თუ „ქართული ოცნება“ მოსამართლეების დანიშვის პროცესს დაიწყებს, ოპოზიცია პარლამენტიდან უნდა გავიდეს. თალაკვაძის შეფასებით, ეს განცხადება სასამართლო პროცესებთან დაკავშირებით „ლელოს“ დესტრუქციულ დამოკიდებულებაზე მიუთითებს და არის მცდელობა, სასამართლო სისტემაში პირდაპირი პოლიტიკური ჩარევა მოხდეს.

„კითხვას ვსვამ მამუკა ხაზარაძის განცხადების მიმართ, რატომ ამბობს წინასწარ უარს ეს პოლიტიკური პარტია მოსამართლეების კანდიდატურის განხილვის პროცესზე და იმ პროცედურაზე, რომელიც უნდა ჩატარდეს პარლამენტში? მათ შესაძლებლობა ექნებათ დაუსვან კითხვები კანდიდატებს და დაუმტკიცონ საზოგადოებას ის, რასაც განცხადებებში ამბობენ. ჩემი აზრით, ეს მიუთითებს მათ დესტრუქციულ დამოკიდებულებაზე სასამართლო პროცესებთან დაკავშირებით და არის მცდელობა, პირდაპირი პოლიტიკური ჩარევა მოხდეს სასამართლოსთან დაკავშირებულ პროცესებზე, რომელიც მხოლოდ ისე უნდა ჩატარდეს როგორც ეს კანონში წერია. პარლამენტმა ყველა პარტიის მონაწილეობით უნდა განიხილოს კანდიდატურები და თუ ისინი ვერ დააკმაყოფილებენ შესაბამის მოთხოვნებს, მხოლოდ მაშინ ექნებოდა ბატონ ხაზარაძეს მორალური უფლება ესაუბრა ამ პროცესებთან დაკავშირებით.

ეს განცხადება - „თუ ამას არ გააკეთებთ, ჩვენ პარლამენტში აღარ ვიქნებით“ და არ შევალთო, ხომ არ გაგონებთ იმ პროცესს, როდესაც შეთანხმებამდე 7 თვის განმავლობაში „ნაციონალური მოძრაობა“ და ეს რადიკალური ბანაკი პოლიტიკური შანტაჟის გზით ცდილობდნენ პარლამენტის სამუშაო პროცესი დაებლოკათ და არჩევნების შედეგებისთვის ძირი გამოეთხარათ. მაშინაც, რადიკალური ოპოზიციის მესიჯი იყო, თუ რიგგარეშე არჩევნები არ ჩატარდება, სულ ერთია რა მიზეზით, ჩვენ არ შემოვალთ პარლამენტშიო. ეს არ გახლავთ დემოკრატია, ეს არ არის შეთანხმების აღებული ვალდებულებების შესრულება. თქვენ ხელი მოაწერეთ შეთანხმებას, რომლითაც ვალდებული ხართ პროცესში მიიღოთ მონაწილეობა“, - განაცხადა არჩილ თალაკვაძემ.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია