გაერთიანებულ სამეფოში, ბოლო 24 საათის განმავლობაში, კორონავირუსის 16 135 ახალი შემთხვევა გამოვლინდა, რაც რეკორდულად მაღალი დღიური მაჩვენებელია 6 თებერვლის შემდეგ.

ამავე პერიოდში ვირუსს კიდევ 19 ადამიანის სიცოცხლე ემსხვერპლა.

აღსანიშნავია, რომ გაერთიანებულ სამეფოში გასული კვირის განმავლობაში დაინფიცირების შემთხვევები, წინა კვირასთან შედარებით, 43.9%-ით, გარდაცვლილთა რაოდენობა კი - 53%-ით გაიზარდა.

ჯანდაცვისა და სოციალური ზრუნვის დეპარტამენტის ცნობით, ამ დროისთვის გაერთიანებული სამეფოში კორონავირუსის საწინააღმდეგო ვაქცინების 43 448 680 დოზაა გამოყენებული, პირველი დოზა მოსახლეობის 82.5%-მა, ორივე კი 60.3%-მა მიიღო.