გერმანიის კანცლერის ანგელა მერკელის განცხადებით, ევროპა, კორონავირუსის „დელტა“ ვარიანტის გავრცელების გამო, პანდემიასთან ბრძოლაში „თხელ ყინულზე“ დადის, - ინფორმაციას Associated Press-ი ავრცელებს.
მისი თქმით, ქვეყნებმა პანდემიასთან დაკავშირებით სიფხიზლე უნდა გამოიჩინონ.
„ფხიზლად უნდა ვიყოთ, მიუხედავად იმისა, რომ იმედის საფუძველი არსებობს, პანდემია არ დასრულებულა, განსაკუთრებით მსოფლიოს ღარიბ ქვეყნებში. გერმანიასა და ევროპაში კი ჯერ კიდევ „თხელ ყინულზე“ ვმოძრაობთ“, - აღნიშნა კანცლერმა.
მისი თქმით, განსაკუთრებული შეშფოთების საფუძველს ე.წ. „ინდური ვარიანტი“ ქმნის. „ახლად წარმოშობილი ვარიანტები, განსაკუთრებით „დელტა“ ვარიანტი, გვაფრთხილებენ, რომ ყურადღებით ვიყოთ,“ - აღნიშნა მერკელმა.