სომხეთის თავდაცვის სამინისტრო უარყოფს აზერბაიჯანის თავდაცვის უწყების მიერ გავრცელებულ ინფორმაციას, რომლის მიხედვითაც სომხეთის მხარემ აზერბაიჯანულს ცეცხლი გაუხსნა. ამის შესახებ სააგენტო „სპუტნიკი“ იუწყება.

„ეს მორიგი დეზინფორმაციაა. სომხეთის მხარეს არ უსვრია აზერბაიჯანის შეიარაღებული ძალების მიმართულებით“, - განაცხადეს სამინისტროში და აღნიშნეს, რომ მათ მიერ ხსენებულ რაიონში ვითარება მშვიდია.

აზერბაიჯანის თავდაცვის სამინისტროს განცხადებით, დღეს სომხეთის შეიარაღებული ძალების ქვედანაყოფმა ადგილობრივი დროით 14:30 საათზე აზერბაიჯანის არმიის მიმართულებით პოზიციიდან, რომელიც განლაგებულია ბერდის რაიონის სოფელ აიგეძორთან, ცეცხლის გაუხსნა.