ავსტრალიის კოვიდ-19-ზე რეაგირების კომიტეტი ორშაბათს საგანგებო შეხვედრას გამართავს.
მედიის ინფორმაციით, გადაწყვეტილების მიზეზი ქვეყანაში უფრო გადამდები „დელტა“ ვარიანტის გავრცელებაა, რამაც სიდნეიში „ლოქდაუნის“, რამდენიმე სხვა ტერიტორიაზე კი შეზღუდვების დაწესება გამოიწვია.
მედიის ინფორმაციით, ამჟამად „ლოქდაუნი“ ან შეზღუდვები 18 მილიონ ავსტრალიელს, ანუ ქვეყნის მოსახლეობის დაახლოებით 70%-ს ეხება.
„ვფიქრობ, რომ უფრო გადამდები „დელტა“ შტამით პანდემიის ახალ ფაზაში შევდივართ,” - განაცხადა ფედერალურმა ხაზინადარმა ჯოშ ფრიდენბერგმა.
მისივე თქმით, ავსტრალიას კოვიდ-19–ს წინააღმდეგ ბრძოლაში ”კრიტიკულ დრო” ემუქრება.