სომხეთში ბოლო დღე-ღამის განმავლობაში კორონავირუსის 116 ახალი შემთხვევა დაფიქსირდა და დღემდე გამოვლენილი დადასტურებული შემთხვევების საერთო რაოდენობა 224 967-მდე გაიზარდა. ამის შესახებ ქვეყნის დაავადებათა კონტროლისა და პროფილაქტიკის ცენტრი იუწყება.
ამავე პერიოდის განმავლობაში სომხეთში ვირუსით კიდევ 4 პაციენტი გარდაიცვალა, პანდემიის დაწყების დროიდან დაღუპულთა საერთო რაოდენობა კი 4 514-ს შეადგენს. რაც შეეხება განკურნებულებს, მათი რაოდენობა 216 718-მდე გაიზარდა.