არჩევნების შედეგების შემსწავლელი საგამოძიებო კომისია დასკვნას 8 ივლისს წარადგენს

8 ივლისს, 31 ოქტომბრის არჩევნების საგამოძიებო კომისიის დასკვნითი სხდომა გაიმართება, სადაც 2020 წლის საპარლამენტო არჩევნებთან დაკავშირებით დასკვნით პროექტს წარადგენენ. აღნიშნულის შესახებ საგამოძიებო კომისიის წევრები დღევანდელ სხდომაზე შეთანხმდნენ.

ამასთან, დღევანდელ სხდომაზე განხორციელდა იმ ახსნა-განმარტებების ანალიზი, რომელიც 40- მდე პირს ჩამოერთვა. დროებითმა საგამოძიებო კომისიამ იმსჯელა კონკრეტული პირების მხრიდან გამოკვეთილ შეცდომებთან დაკავშირებით დისციპლინურ პასუხისმგებლობაზე, თუმცა, როგორც კომისიის თავმჯდომარე გივი მიქანაძემ განმარტა, მოქმედი კანონმდებლობა არ იძლევა იმის საშუალებას, რომ ამ პირებთან მიმართებით დისციპლინური პასუხისმგებლობა დადგეს, რადგან ისინი ამ ეტაპზე უკვე აღარ ირიცხებიან ცესკო- ს თანამშრომლებად, ამიტომ კომისიამ მიიღო გადაწყვეტილება, რომ დღის ბოლომდე ცესკო- ს გაუგზავნოს წერილი, სადაც კონკრეტულ პირებთან დაკავშირებით იქნება რეკომენდაცია, იმსჯელონ სამომავლოდ ამ პირების საარჩევნო პროცესში დასაქმების მიზანშეწონილობასთან დაკავშირებით. როგორც გივი მიქანაძემ აღნიშნა, ასეთი სულ 6 პირია გამოვლენილი, ვისთან დაკავშირებითაც ისინი ცესკო- ს მიმართავენ.

რაც შეეხება კომისიის დასკვნით დადგენილების პროექტს, თუ კომისიის წევრთა უმრავლესობა მას მხარს დაუჭერს, ის წარედგინება ჯერ პარლამენტის ბიუროს, შემდეგ კი რიგგარეშე სესიას.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 02.08.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან