საფრანგეთის მთავრობის მრჩეველი - კორონავირუსის „დელტა“ ვარიანტის შემთხვევების ზრდის გამო, სავარაუდოდ, გავრცელების მეოთხე ტალღა გვექნება
საფრანგეთში, კორონავირუსის „დელტა“ ვარიანტის შემთხვევების ზრდის გამო, სავარაუდოდ, გავრცელების მეოთხე ტალღა გვექნება, - ამის შესახებ საფრანგეთის მთავრობის მრჩეველმა სამეცნიერო საკითხებში პროფესორმა ჟან-ფრანსუა დელფრეისმა განაცხადა.
ამასთან, დელფრეისმა დასძინა, რომ ვაქცინაცია ხელს შეუწყობს ვირუსის ახალი ტალღის შედარებით მსუბუქად გადატანას.
”ვფიქრობ, რომ მეოთხე ტალღა გვექნება, მაგრამ ბევრად უფრო მსუბუქი იქნება, ვიდრე წინა სამი ტალღა, რადგან ვაქცინაციის დონე წინა პერიოდთან შედარებით განსხვავებულია ”, - აღნიშნა ჟან-ფრანსუა დელფრეისმა.
მედიის ინფორმაციით, ფრანგმა ეპიდემიოლოგმა არნო ფონტანემ, რომელიც ასევე მთავრობის მრჩეველია სამეცნიერო საკითხებში, განაცხადა, რომ საფრანგეთში კორონავირუსით ინფიცირების შემთხვევები სექტემბერში ან ოქტომბერში კვლავ გაიზრდება.
