ანა ნაცვლიშვილი - მნიშვნელოვანი ამოცანაა, მომავალ თვითმმართველობის არჩევნებზე ისეთი შედეგი მივიღოთ, რომელიც ვადამდელ არჩევნებს უზრუნველყოფს და ეს არ გადის მხოლოდ თბილისის მერობის კანდიდატზე

მნიშვნელოვანი ამოცანაა, რომ მომავალ თვითმმართველობის არჩევნებზე ისეთი შედეგი მივიღოთ, რომელიც უზრუნველყოფს ვადამდელ არჩევნებს და ეს შედეგი არ გადის მხოლოდ თბილისის მერობის კანდიდატზე, - ამის შესახებ "ლელოს" დეპუტატმა ანა ნაცვლიშვილმა განაცხადა, რითაც "ნაციონალური მოძრაობის" წევრის გიორგი ბარამიძის განცხადებას გამოეხმაურა.

ნაცვლიშვილის თქმით, რა ფორმით ითანამშრომლებენ პარტიები, ამ საკითხზე საუბრები მიდის, თუმცა გადაწყვეტილება სამუშაო ფორმატში უნდა იყოს მიღებული, რომელიც ჯერ არ ჩამოყალიბებულა.

"გარკვეული საუბრები ცხადია, რომ არის ამ საკითხზე, მაგრამ უფრო ფართო კონტექსტში, რადგან არჩევნები არ არის მხოლოდ თბილისის მერის კანდიდატურა, ძალიან მნიშვნელოვანი სხვა საკითხები არის გადასაწყვეტი. მნიშვნელოვანი იქნება სხვადასხვა ოპოზიციურ ძალებს შორის კოორდინაცია, კონკრეტული გადაწყვეტილებები უნდა იყოს მიღებული სამუშაო ფორმატში. იმედი მაქვს, რომ ეს სამუშაო ფორმატი მალე მიიღებს საბოლოო სახეს და ნახავთ, რაზე შევჯერდებით. ძალიან მნიშვნელოვანი ამოცანა, რომელიც დავისახეთ ყველამ ერთად მომაცალ თვითმმართველობის არჩევნებზე, არის ის, რომ ისეთი შედეგი მივიღოთ, რომელიც უზრუნველყოფს ვადამდელ არჩევნებს და ეს შედეგი არ გადის მხოლოდ თბილისის მერობის კანდიდატზე. გაცილებით დიდი ამოცანა აქვს ამ არჩევნებს, ამიტომ რა ფორმულაც მოემსახურება იმას, რომ, რაც შეიძლება მეტი ოპოზიციური ამომრჩეველი გამოვიდეს და "ქართულ ოცნებას" უთხრას არა," - განაცხადა ნაცვლიშვილმა.

ცნობისთვის, „ნაციონალური მოძრაობის“ ერთ-ერთი ლიდერის, გიორგი ბარამიძის აზრით, ოპოზიციამ თბილისის მერობის კანდიდატი სწორედ მათი პარტიიდან უნდა წარადგინოს.

როგორც ბარამიძემ „პალიტრანიუსის“ გადაცემა „დღის ნიუსრუმში“ განაცხადა, „ნაციონალური მოძრაობა“ მთავარი ოპოზიციური პარტიაა და „მარცხის გარანტირებული ფორმულა იქნება, თუ ამხელა ამომრჩეველთა მასა დარჩება მისი კანდიდატის გარეშე“. ამასთან, ბარამიძის განმარტებით, თუ რომელიმე ოპოზიციური პარტია „ნაციონალური მოძრაობის“ კანდიდატს მხარს არ დაუჭერს, შეუძლია არჩევნებში საკუთარი კანდიდატურა დაასახელოს.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 26.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
საქართველოს რეგიონალური პოზიციონირება ყარაბაღის კონტექსტის გათვალისწინებით: ცალკეული ასპექტები
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა