დიდ ბრიტანეთში ბოლო დღე-ღამის განმავლობაში კორონავირუსის 26 068 ახალი შემთხვევა გამოვლინდა, რაც ქვეყნისთვის 29 იანვრის შემდეგ რეკორდულად მაღალი დღიური მაჩვენებელია.
ოფიციალური მონაცემებით, ერთ კვირაში ქვეყანაში ინფიცირების მაჩვენებელი 70%-ით არის გაზრდილი. ინფიცირების მაჩვენებლის ზრდის მიუხედავად ქვეყანაში დაბალია სიკვდილიანობის მონაცემი. გასულ დღე-ღამეში ვირუსს 14 ადამიანი ემსხვერპლა.
პანდემიის პიკში კი ბრიტანეთში იანვარში გარდაცვლილთა რიცხვი დღეში ათასსაც აღწევდა. მეცნიერების ვარაუდით, ეს ტენდენცია აჩვენებს, რომ ვაქცინაციამ ინფიცირებულთა სიკვდილიანობა შეამცირა.