„ვითიბი ბანკი“ მომხარებელს სრულიად ახალი ტიპის Visa Debit ბარათს სთავაზობს. ამის შესახებ ინფორმაციას VTB ბანკი ავრცელებს.

„ვითიბი“ ბანკის საცალო ბიზნესის დირექტორის, ვალერიან გაბუნიას განცხადებით, ბარათი უკონკურენტოა ბაზარზე და მთლიანად მომხმარებლის ინტერესებზეა მორგებული, როგორც ძირითადი პირობების, ისე მოქნილობის თვალსაზრისით“.

„Visa Debit მომხმარებელზე მორგებული, ყველაზე მარტივი და კომფორტული ბარათია, რომლის საშუალებითაც ბარათის მფლობელი, საქართველოში არსებულ ნებისმიერ ბანკომანტში, თანხის განაღდებას უფასოდ შეძლებს.

რაც მთავარია, Visa Debit-ის მფლობელებს, თვითდასაქმებულებს, რომელთაც ბანკში არ უფიქსირდებათ შემოსავალი, შეუძლიათ სესხის დამტკიცება გამარტივებული პირობებით.

მნიშვნელოვანია ისიც, რომ "ვითიბიში" სწრაფი ფულადი გზავნილების მიღება მხოლოდ Visa Debit ბარათით იქნება შესაძლებელი“, - ნათქვამია ინფორმაციაში.