სლოვენიამ პორტუგალიისგან როტაციის წესით ევროკავშირის საბჭოს თავმჯდომარეობა 6 თვით გადაიბარა.

ევროკავშირის საბჭოს ვებგვერდზე განთავსებულ ინფორმაციაში აღნიშნულია, რომ სლოვენიის 6-თვიანი პროგრამა 4 პრიორიტეტს ეფუძნება.

„ლოზუნგით: „ერთად. მდგრადი. ევროპა“ - შევეცდებით, ხელი შევუწყოთ ევროკავშირის გაჯანსაღებას და მისი მდგრადობის გამტკიცებას, ვიფიქროთ ევროპის მომავალზე, გავაძლიეროთ კანონის უზენაესობა და ევროპული ღირებულებები და გავზარდოთ უსაფრთხოება და სტაბილურობა ევროპულ სამეზობლოში“, - აღნიშნულია ინფორმაციაში.