ევროკავშირის ქვეყნებში დღეიდან ციფრული კოვიდსერტიფიკატების სისტემა ამოქმედდა, რომლის მიზანია, ხელი შეუწყოს ბლოკის ტერიტორიაზე მოქალაქეების თავისუფლად გადაადგილებას.

დოკუმენტი, რომელიც ხელმისაწვდომია როგორც ციფრული, ისე ბეჭდური სახით, მოიცავს ინფორმაციას ვაქცინაციის, ტესტებისა და დაავადებისგან გამოჯანმრთელების შესახებ. მის მიღებას ევროკავშირის ის მოქალაქეები შეძლებენ, რომლებიც ამ სამი ელემენტიდან ერთ-ერთს აკმაყოფილებენ. დაიშვება როგორც პისიარ, ასევე ანტიგენ ტესტები.

სერთიფიკატი უფასოა და მისი აღიარება უნდა მოხდეს ევროკავშირის 27-ვე ქვეყნის, აგრეთვე შვეიცარიის, ლიხტენშტეინის, ისლანდიის და ნორვეგიის მიერ.

იხილეთ ვიდეო:ევროკავშირის ქვეყნების მოქალაქეები კოვიდსერტიფიკატით დღეიდან ისარგებლებენ