ფილიპინების ხელისუფლება ვულკან „ტაალის“ ამოფრქვევის საფრთხის გამო ათასობით ადამიანის ევაკუაციას ახორციელებს.
„ტაალის“ ვულკანთან დაკავშირებულმა განგაშის სიგნალმა 5-დონიან შკალაზე, მეორედან მესამე დონეზე გადაინაცვლა. სეისმოლოგიისა და ვულკანოლოოგის ცენტრის განმარტებით, ეს ნიშნავს, მთავარ კრატერზე "მაგმატურ შეჭრას", რამაც, შესაძლოა, ფრეატული ამოფრქვევა გამოიწვიოს.
„ტაალი“, რომელიც ფილიპინების დედაქალაქ მანილადან დაახლოებოთ 70 კილომეტრში მდებარეობს, მსოფლიოში ერთ-ერთი ყველაზე პატარა მოქმედი ვულკანია, თუმცა ამოფრქვევის შემთხვევაში მან შესაძლოა უამრავი ადამიანის სიცოცხლეს შეუქმნას საფრთხე. 1911 წელს ვულკანის ამოფრქვევას 1 300-ზე მეტი ადამიანის სიცოცხლე ემსხვერპლა, ხოლო გასულ წელს ვულკანიდან წარმოქმნილი ფერფლისა და ორთქლის გამო ასობით ათას ადამიანს საკუთარი საცხოვრებლის დატოვება მოუწია.