ჯო ბაიდენი მაიამიში მომხდარ ტრაგედიაზე - ჯერ კიდევ არის შესაძლებლობა, რომ შენობის ნანგრევებში ვიღაც ცოცხალი იყოს, ვიღაც სუნთქავდეს

აშშ-ის პრეზიდენტმა ჯო ბაიდენმა და პირველმა ლედიმ მაიამიში, ტრაგედიის ადგილი მოინახულეს, სადაც მრავალსართულიანი შენობის ნანგრევებში სამძებრო-სამაშველო სამუშაოები რამდენიმე დღეა გრძელდება.

ბაიდენი გარდაცვლილთა და დაკარგულთა ოჯახის წევრებსაც გაესაუბრა.

“მთელი ერი გლოვობს ამ ოჯახებთან ერთად. ისინი ჯოჯოხეთს გადიან. ჯერ კიდევ არის შესაძლებლობა, რომ ვიღაც ცოცხალი იყოს, ვიღაც სუნთქავდეს”, - აღნიშნა პრეზიდენტმა.

მისი თქმით, უმნიშვნელოვანესია ტრაგედიის მიზეზების გარკვევა. ამ დრომდე 12-სართულიანი შენობის ნანგრევებში 18 ადამიანის ცხედარი იპოვეს, დაკარგულად ითვლება 145 ადამიანი. ჯო და ჯილ ბაიდენებმა გარდაცვლილთა დროებით მემორიალთან ყვავილები მიტანეს. ბაიდენი მეხანძრეებსა და მაშველებსაც გაესაუბრა. პრეზიდენტმა ადგილობრივებს პირობა მისცა, რომ სამძებრო სამუშაოების და დაზარალებულთა მხარდაჭერისთვის მთლიან ხარჯებს ცენტრალური ხელისუფლება დაფარავს.

სამძებრო-სამაშველო ჯგუფი 200-მდე სპეციალისტისგან შედგება, ადგილზე მუშაობს ასევე ასობით მეხანძრე, პოლიციელი, ინჟინერი, გარემოს უსაფრთხოების ექსპერტი და სხვა. შემთხვევა 25 ივნისს, გამთენიისას მოხდა.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა