სომხეთში ბოლო დღე-ღამის განმავლობაში კორონავირუსის 89 ახალი შემთხვევა დაფიქსირდა და დღემდე გამოვლენილი დადასტურებული შემთხვევების საერთო რაოდენობა 225 553-მდე გაიზარდა.
ამის შესახებ ქვეყნის დაავადებათა კონტროლისა და პროფილაქტიკის ცენტრი იუწყება.
ამავე პერიოდის განმავლობაში სომხეთში ვირუსით კიდევ 5 პაციენტი გარდაიცვალა, პანდემიის დაწყების დროიდან დაღუპულთა საერთო რაოდენობა კი 4 526-ს შეადგენს.
რაც შეეხება განკურნებულებს, მათი რაოდენობა 217 131-მდე გაიზარდა.